جب ایک مرتبہ ہم اپنی زندگی کے لیئےخدا کے منصوبے کی پیروی کا فیصلہ کرتے ہیں تو ہم نہ صرف اپنی زندگی اور کردار کو المسیح کے نمونے کے مطابق ڈھالنے کے زمدار بن جاتے ہیں بلکہ ہمارا فرض بن جاتا ہے کہ ہم المسیح کے محبت دوسروں کے ساتھ بانٹیں تاکہ ان کی زندگیاں بھی تبدیل ہوں۔ بائبل مقدس کے مطالعہ کے دوران جو خدا ہم پر روح القدس کے وسیلہ سے ظاہر کرتا ہے اس کی پیروی کرنے سے ہم اپنی زمداریاں پوری کر سکتے ہیں۔ ٹامس مفوری کا لکھا ہوا اس کورس میں ان لوگوں کے لیئے بہت سے ضروری بصیرت ہیں جو اپنا بائبل کا مطالعہ کو بہتر ترتیب دینے میں دلچسپی رکھتے ہیں۔

جب آپ حکمت حاصل کرنے اور خدا کا علم حاصل کرنے کیلیئے مطالعہ کرتے ہیں تو آپ کو سخت محنت کرنی ہوگی اور کتاب مقدس کی گہری تحقیق کرنی ہوگی جس طرح آپ زمین کے اندر پانی کیلیئے کرتے ہیں۔ جب آپ بائبل مقدس کے مطالعہ کیلیئے محنت کرتے ہیں تو آپ کو زندگی بخشنے والا پانی ملیگا۔
زندگی کے پانی کے اس تجربے کیلیئے لازم ہے کہ انسان ہر روز بائبل مقدس کا مطالعہ کرتا رہے۔ یہ سبق ہمیں بتاتا ہے کہ بائبل مقدس کا مطالعہ کیوں کیا جائے۔

اگرچہ ہم بائبل مقدس کو پورے طور پر نہیں سمجھتے تاہم ہم اسے پڑھنے سے برکت اور ہدایت حاصل کر سکتےہیں۔ لیکن بائبل مقدس کی علم کی پوری خوشی صرف سنجیدہ مطالعہ سے حاصل ہوتی ہے۔
چنانچہ ہمیں بنیادی معلومات کی ضرورت ہے۔ اس سبق میں ہم بائبل مقدس کی تحریر، اس کے مرکزی خیالات، اتحاد اور تقسیم کے بارے میں سیکھینگے۔

جب آپ کسی سے بات کرتے ہیں تو آپ چاہتے ہیں کہ وہ شخص آپ کی بات کو سمجھے۔ پس آپ اظہار کیلیئے ایسا طریقہ منتخب کرتے ہیں جو بہترین طور پہ آپ کے خیالات کو واضح کرے۔ گفتگو کی طرح ادب یا تحریر بھی اسی وقت موتر ثابت ہوتی ہے جب لکھنے والا اپنے خیالات کو واضح طور پر پیش کرتا ہے۔
بائبل مقدس کے لکھنے والوں نے اپنے الفاظ کو چنا اور اس طرح ترتیب دیا کہ وہ ان کے مقاصد کے مطابق ہوں۔ اس بات کا مطالعہ کرنا کہ لکھنے والے کس طرح اپنے خیالات کا اظہار کرتے ہیں آپ کیلیئے بائبل مقدس کے مطالعہ میں مددگار ثابت ہوگا۔

اب جبکہ ہم بائبل مقدس کے مطالعہ کے وجوہات اور مختصر طور پر بائبل مقدس کے بارے میں بیان کر چکے ہیں اب ضرورت اس بات کی ہے کہ ہم بائبل مقدس کے مطالعہ کے طریقے کو زیر بحث لائیں۔ اس سبق میں ہم ان باتوں کے بارے میں بات کرنا چاہتے ہیں جو آپ کو مطالعہ کے لیئے تیار کرینگی۔ شاید آپ سوچتے ہوں کہ بائبل مقدس کا مطالعہ ایک ناممکن کام ہے۔ لیکن کسی بھی دوسرے کام کی طرح اگر آپ اسے کرنا جانتے ہیں اور اسے چھوٹے حصوں میں تقسیم کریں تو آپ بہت کچھ حاصل کر سکتے ہیں۔

شاید بائبل مقدس کی چند پسندیدہ آیات پر روحانی رہنمائی اور نشونما آسان معلوم ہوتی ہے۔ لیکن ہمیں المسیح کے پورے قدوقامت (افسیوں (13:4 تک پہنچنے کیلیئے خدا کے کلام کی پوری خوراک کی ضرورت ہے۔ اس ہدف تک پہنچنے کیلیئے لازم ہے کہ ہم ہر روز زندہ دلی سے خدا کے کلام میں سے خوراک کھائیں۔
ہماری مسیحی زندگی کو بہتر سمجھنے کیلیئے ہمیں ضرورت ہے کہ ہم اس بات کا مطالعہ کریں کہ بائبل کی ہر انفرادی کتاب خدا کے بارے میں کیا کہتی ہے۔

جب کبھی آپ کو اپنی مسیحی زندگی کے متعلق کوئی بات سمجھ نہ آئے آپ اس مضمون پر موضوعاتی مطالعہ کر سکتے ہیں۔ شاید آپ ایمان کی زندگی بسر کرنے کے بارے میں جاننا چاہتے ہیں۔ شاید آپ کو روح القدس کی بپتسمہ کی ضرورت ہو۔ کیا آپ جانتے ہیں کہ آپ المسیح میں کون ہیں؟ آپ ایک پاکیزہ زندگی کس طرح بسر کر سکتے ہیں؟ کوئی بھی مضمون ہو اس کا مطالعہ آپ کو اپنے لیئے خدا کے منصوبے کے بارے میں مزید بتائیگا۔

ہم خدا کا شکر ادا کرتے ہیں کہ خدا نے بائبل مقدس کے کئی اسباق کو کہانی کی شکل میں محفوظ رکھا ہے۔ان کہانیوں کے کردار اصل لوگ ہیں جن کو انہی مسائل کا سامنا تھا جو ہمیں درپیش ہیں۔ موسٰی داود اور پترس جیسے خدا کے لوگوں نے غلطیاں کیں اور ان غلطیوں سے سبق حاصل کیا۔ اب ہم ان کے بارے میں پڑھ سکتے ہیں اور ان کے تجربات سے فائدہ اٹھا سکتے ہیں۔ نیز ہم ان کے فطوحات کے بارے میں پڑھ سکتے ہیں اور اپنے ایمان کو مضبوط کر سکتے ہیں۔

جوں جوں آپ خدا کے کلام کا اطلاق اپنی زندگی پر کرتے ہیں ابلیس آپ کے خلاف لڑیگا۔ وہ آپ کو حوصلہ شکن کرنا چاہتا ہے۔ وہ چاہتا ہے کہ آپ خدا پر شک کریں۔ وہ آپ کے اندر روحانی لڑائی پیدا کرتا ہے۔یسوع نے ہمیں سکھایا کہ ہمیں روحانی لڑائی میں کیا کرنا ہے۔ خدا کے کلام کو جب آپ اپنے دل میں رکھتے ہیں تو یہ پاکیزگی، شفا اور فتح کا باعث بنتا ہے۔