کلیسیا کا ایک حصہ ہونے کے ناتے آپ یہ جان سکتے ہیں کہ آپ خدا کے منصوبے میں کیسے شامل ہو سکتے ہیںاور یہ سیکھ سکتے ہیں کہ خدا کیسے آپ کو کلیسیا میں اس کی خدمت کے لئے تیار کریگا۔ میریان برنیٹ کا لکھا ہوا یہ کورس بیان کرتا ہے کہ خدا کس طرح کلیسیا کو اپنے منصوبے کے ارادے کے مطابق منظم کیا اور ہر ایک ممبران کو مسیح کے بدن کا حصہ بنایا۔ اس میں عملی تجاویز پیش کی گئی ہے کہ مسیحی کارکن کو کس قسم کا شخص ہونا چاہیئے اور اپنی نعمتوں کی تلاش اور تشکیل کرکے کس طرح کلیسیا کی خدمت کر سکتے ہیں۔ یہ کورس آپ کی مدد کریگا کہ آپ کس طرح کلیسیا کے رہنماوٴں کے ساتھ مل کر کام کر سکتے ہیں اور اپنے ارد گرد موجود لوگوں کی مدد کر سکتے ہیں۔

جب آپ اس پہلے سبق کا مطالعہ کرینگے تو آپ دریافت کر سکینگے کہ آپ کے لئے خدا کا منصوبہ کیا ہے اور آج آپ اس دنیا میں اس کے کام کا حصہ کیسے بن سکتے ہیں؟ یہ سبق آپ کو یہ جاننے میں مدد کریگا کہ کون خدا کے خاندان کا حصہ ہے۔ اپنےخاندان کے لئے خدا کا کیا منصوبہ ہے اور دنیا میں انجیل کی بشارت کے لئے آپ کس طرح خدا کے منصوبے کا حصہ ہیں۔

وہ کیا چیز تھی جس نے ابتدائی کلیسیا کے ایمانداروں کو متحد کیا؟ یہ سبق آپ کی مدد کریگا کہ آپ ان وجوہات کی فہرست بنا سکیںکہ ابتدائی کلیسیا کے ایماندار کیوں اکٹھا ہوتے تھے۔ کلیسیا کس طرح دنیا میں یسوع کے کام کو جاری رکھتی ہے اور بیان کر سکیں کہ جب ایماندار اکٹھے ہوتے ہیں تو کیا ہونا چاہیئے۔

خدا کا منصوبہ آپ ابھی دریافت کرنے والے ہیں کہ کلیسیا کے لئے خدا کا کیا منصوبہ ہے اور کلیسیا کے رکنوں کی کیا خدمات ہیں۔ یہ سبق آپ تین مثالوں سے کلیسیا کے بارے میں بیان کرنا سیکھینگے۔ آپ دریافت کرینگے کہ بدن کے سر کے طور پر المسیح کیا کرتے ہیں اورآپ کئی خدمات کی فہرست کیسے بنا سکتے ہیں جو ایماندار بدن کے رکن ہونے کی حیثیت سے انجام دیتے ہیں۔

ہر کسی کے پاس ایک ہی خدمت نہیں ہے۔ بعض لوگ منادی کرتے ہیں اور تعلیم دیتے ہیں تو بعض حکمت اور علمیت کا پیغام دیتے ہیں اور بعض خدمت اور خیرات کرتے ہیں۔ شائد آپ بھی ان باتوں کے بارے میں جاننا چاہتے ہیں۔ اس سبق میں موجود سچائیاں مسیح کے بدن میں آپ کے لئے خاص خدمت دریافت کرنے میں آپ کی مدد کریگی۔

اس سبق کے مطالعہ میں آپ دیکھینگے کہ بائبل مقدس مسیح کارکن ہونے کے بارے میں کیا فرماتی ہے۔یہ سبق آپ کی مدد کریگا کہ آپ مسیحی کارکن کی صفات بیان کر سکیں۔ اپنی خدمتی نعمتوں کی تشکیل میں مدد کے لئے کئی باتوں کے بارے میں بتا سکیں اور ایسا شخص بننے کا ارادہ کر سکیں جسے خدا اپنے کارکن کی حیثیت سے استعمال کرسکتا ہے۔

اس سبق میں آپ سیکھینگے کہ خدا مختلف لوگوں کو مختلف نعمتیں کیوں دیتا ہے۔ یہ سبق آپ کی مدد کریگا کہ آپ بیان کرسکیں کہ مسیحی کارکنوں کے آپس میں کیسے تعلقات ہونے چاہیئے۔ اس نتیجے کی وضاحت کرسکیں جو ایمانداروںکو حاصل ہوتا ہے جب وہ مل کر کام کرتے ہیں اور بدن کے رکن کی حیثیت سے ہر شخص کی اہمیت کو سراہ سکیں۔

یہ سبق آپ کی مدد کریگا کہ آپ اس محبت کا بیان کر سکیں جو مسیحی کارکن کو رکھنی چاہیئے۔ آپ سیکھینگے کہ وہ الٰہی محبت کہاں سے آتی ہے اور اس کی ضرورت کیوں ہے؟

یہ سبق آپ کی مدد کریگا کہ آپ سمجھ سکیں کہ کلیسیا میں رہنماوٴں کی ضرورت کیوں ہے؟ کس طرح کے رہنما ہوتے ہیں اور آپ ان کے ساتھ کیسے کام کر سکتے ہیں تاکہ کلیسیا کے لئے خدا کے خوبصورت منصوبے پورے ہو سکیں۔

شاید آپ نے اپنے آپ سے پوچھا ہو کہ مسیحی کارکن کا مستقبل کیا ہے۔ یہ سبق اس سوال کے جواب میں مدد کریگا۔ اس سبق میں پیش کردہ سچائیاں آپ کو خداوند کے کام کے لئےتحریک بخشیں اور آپ کے دل کو خوشی سے معمور کریں۔